«HALAL DAMÝ» ÓZBEKSTAN KÁSIPORYNDARYNDA AÝDIT JÚRGIZDI
Bas múftı Naýryzbaı qajy Taǵanulynyń tapsyrmasymen QMDB «Halal Damý» standarttaý jáne sertıfıkattaý mekemesiniń dırektory Aıbek Asqarbekuly bastaǵan mamandar Ózbekstandaǵy kásiporyndarda aılyq aýdıt jumystaryn júrgizdi.
Baqylaý-qadaǵalaý sharalaryna bas sarapshy-tehnolog Janar Muratqyzy, tehnolog Arýjan Aralbaı qatysty.
«QMDB Halal» sertıfıkaty – otandyq qana emes, shet eldik kásiporyndar tarapynan da keń suranysqa ıe bolýda. Sonyń ishinde kórshiles, Ózbekstanda 10-nan astam kásiporyn halal talaptaryna saı sertıfıkattaldy. Is-sapar barysynda «Ardan Foods», «Krember», «Crafers» kondıterlik zaýyttary, «Milk Euro Food» sút fabrıkasy tekserildi. Sonymen qatar, «Alfa mix» taǵamdyq qospalar kásipornyna aýdıt júrgizilip, «QMDB Halal» sertıfıkaty tabystaldy. Aýdıt aıasynda óndiriste bekitilgen halal standarty talaptarynyń oryndalýy, kásiporyndardyń sanıtarlyq tazalyǵy, qoldanystaǵy tehnıkalyq qural-jabdyqtardyń sapasy, daıyn ónimderdiń óńdelýi, saqtalýy, tasymaldanýy qadaǵalandy. Jáne de, atalǵan kásiporyndarda «Halal standarty talaptary men tehnologııasy» taqyrybynda oqý-semınar ótkizilip, qyzmetkerlerge sharıǵat talaptary túsindirildi», – deıdi Aıbek Asqarbekuly.
