QMDB TÓRAǴASY ÁZERBAIJAN PREZIDENTIMEN KEZDESTI (FOTO)

Búgin Baký qalasynda «Beıbitshilik pen jahandyq qaýipsizdik úshin dıalog: yntymaqtastyq jáne ózara is-qımyl» taqyrybynda ótip jatqan VI álemdik mádenıetaralyq forým aıasynda Ázerbaıjan Prezıdenti Ilham Álıev Túrkitildes memleketterdiń múftılerimen kezdesti.  

Kezdesýge Qazaqstan musylmandary dinı basqarmasynyń tóraǵasy Naýryzbaı qajy Taǵanuly, Kavkaz musylmandary basqarmasynyń tóraǵasy Allashúkir Pasha-Zade, Qyrǵyz Respýblıkasy musylmandary dinı basqarmasynyń tóraǵasy Abdýlazız Zakırov, Ózbekstan musylmandary basqarmasynyń tóraǵasy Nýrıddın Holıqnazarov, Soltústik Kıprdegi Túrik Respýblıkasy Din isteri basqarmasynyń basshysy Ahmet Ýnsal qatysty.

Ázerbaıjan Prezıdenti túrkitildes memleketterdiń rýhanı kóshbasshylaryna alǵysyn bildirip, din qyzmetkerleriniń baýyrlas halyqtardyń dostyq baılanysy men yntymaq-birligi jolyndaǵy qyzmetine rızashylyǵyn jetkizdi.