«ӘЗІРЕТ СҰЛТАН» МЕШІТІНДЕ ИМАМДАРҒА ПӘТУА СЕМИНАРЫ ӨТТІ (ФОТО)

Қазақстан мұсылмандары діни басқармасы Астана қаласы өкілдігінің ұйымдастыруымен «Әзірет Сұлтан» мешітінде пәтуа мәселесіне арналған арнайы семинар болып өтті.

Қала мешіттерінің барлық имамдары бас қосқан жиында «Әзірет Сұлтан» мешітінің наиб имамы Темірлан Дарханұлы ҚМДБ-ның Шариғат және пәтуа бөлімі тарапынан қабылданған соңғы пәтуалар жайында баяндап, аукцион мәселесіне де қатысты шариғат үкімін таныстырды. Сондай-ақ, осы тұрғыдан кеңінен әңгіме қозғалып, мәселенің түйіні толығырақ тарқатылды. Жиын соңында дін қызметкерлері өздерін қызықтырған сауалдарын жолдап, оған тұщымды жауаптар алды.