Бұл дұғаны әрдайым оқып жүріңіз!

Дереккөздерде Пайғамбарымыздың (с.ғ.с.) осы дұғасына қатысты бізге жеткен екі түрлі хадистің бірін белгілі сахаба Әбу Хұрайра (р.а.) жеткізген. Әбу Хұрайра (р.а.): «Бірде Әбу Бәкір (р.а.): Уа, Алланың елшісі! Маған күн сайын таңертең және кешкісін оқитын бір дұға үйретсеңіз жақсы болар еді, – деп өтініш жасады. Сонда пайғамбарымыз (с.ғ.с.) досының өтінішін кері қайтармай оған осы дұғаны оқуды ұсынды», − деген. Осы дұғаға қатысты екінші хадис Әбу Үмәмадан (р.а.) жеткен. Әбу Үмәма (р.а.) Алла елшісінің (с.ғ.с.) бір сахабаға осы дұғаны үйретіп, оған әрдайым оқып жүруді тапсырғандығын айтқан[1].

ОҚЫЛУЫ: Аллаһуммә инни әс'әлукә нәфсән бикә мутмә'иннәтән ту'мину билиқаа'йкә уә тарда би қадаа'йкә уә тәқна′у би ‘атаа'йкә.

МАҒЫНАСЫ: Уа, Аллам, Өзіңмен жан тыныштығына бөленген, Өзіңмен қауышатынына кәміл сенетін, айтқан үкіміңе разы болатын және бергеніңе қанағат ететін нәпсі сұраймын!

Дереккөз: muslim.kz