«ӘР-РАХМАН» МЕШІТІНДЕ 35 МҰҚТАЖ ОТБАСЫҒА АЗЫҚ-ТҮЛІК ҮЛЕСТІРІЛДІ (ФОТО)

Астана қаласы өкілдігі «Зекет және қайырымдылық» қорының ұйымдастыруымен «Әр-Рахман» мешітінде көпбалалы 35 мұқтаж отбасыға азық-түлікпен көмек көрсетілді.

Шараға ҚМДБ Астана қаласы өкілдігінің «Зекет және қайырымдылық» қоры бойынша жауапты өкілі Нұрбол Оразбай, «Әр-Рахман» мешітінің бас имамы Жандос Атембаев және көпбалалы мұқтаж отбасылар қатысты.

«Тайқазан» қайырымдылық акциясы аясында 1 миллион теңге көлемінде қаржы жұмсалып, күнделікті тұрмысқа қажетті азық-түліктер салынған арнайы себеттер аз қамтылған көпбалалы отбасыларға үлестірілді.

 Суреттерді толығырақ «ФОТОГАЛЕРЕЯ» айдарынан көре аласыз.