БАЙҚАЙСЫЗ БА?
*Кітап көп- ұғары жоқ,
Тағам көп- құнары жоқ.
*Дос көп- сенім жоқ,
Бай көп- берім жоқ.
*Шоу көп- алары жоқ,
Ұйым көп- жарары жоқ.
*Ақша көп- береке жоқ,
Той көп- көңілде мереке жоқ.
*Әйел көп- ақ жаулық жоқ,
Дәрі көп- денсаулық жоқ.
*Үлкен көп- ұлағат жоқ,
Қария көп- қырағат жоқ.
*Заң көп- көмек жоқ,
Салдар көп- себеп жоқ.
*Уәде көп- тұрақ жоқ,
Нала көп- құлақ жоқ.
*Бала көп- балалық жоқ,
Айту көп- саналық жоқ.
*Туыс көп- туыстық жоқ,
Туған көп- жұғыстық жоқ.
*Келісім көп- тыныштық жоқ,
Сұхбат көп- ұғыстық жоқ.
*Жолдас көп- сыйластық жоқ,
Бауыр көп- қимастық жоқ.
*Жемқорлық көп - құрықтау жоқ,
Дәстүр көп- ұлықтау жоқ.
*Сұлу көп- сұлулық жоқ,
"Жаным" көп- жылулық жоқ.
*Еркек көп- айбат жоқ,
Азамат көп- қайрат жоқ.
*Арыз көп- шешім жоқ,
Жиналыс көп- кесім жоқ.
*Құрылыс көп- үй жоқ,
Байлық көп- күй жоқ.
*Ұсыныс көп - қолдау жоқ,
Озбырлық көп- қорғау жоқ.
*Ақ көйлек көп- пәктік жоқ,
Уәде көп- нақтық жоқ.
*Сөз көп- дуасы жоқ,
Ұрлық көп- куәсі жоқ.
*Өтірік көп- дерегі жоқ,
Ақпарат көп- керегі жоқ.
*Дүние көп- құны жоқ,
Кемшілік көп- сыны жоқ.
*Өнер көп- өресі жоқ,
Көз көп- көресі жоқ.
*Әже көп- әлдиі жоқ,
Әнші көп- ән- күйі жоқ.
*Мектеп көп- сауат жоқ,
Сұрақ көп- жауап жоқ.
*"Бықсыма" көп- жалын жоқ,
Жастар көп- арын жоқ.
*Шекпенді көп- тектілік жоқ,
Би- төре көп- бектілік жоқ.
*Жер көп- жайылым жоқ,
Есер көп- қайырым жоқ.
*Төсек көп- неке жоқ,
Айтушы көп- жете жоқ.
*Келін көп- ибасы жоқ,
Тастанды көп- қимасы жоқ.
*Ысырап көп- обал жоқ,
Бассыздық көп- "доғар!" жоқ.
*Кәрі қыз көп- күйеу жоқ,
Қиналған көп- сүйеу жоқ
*Маман көп- білімі жоқ,
Сақалды көп- ілімі жоқ.
*Ата көп- батасы жоқ,
Өнім көп- сапасы жоқ.
*Момын көп- "дымы" жоқ,
Ақын көп- үні жоқ.
*Арман көп- ұмтылыс жоқ,
Бөсу көп- бір тың іс жоқ.
*Отау көп- құндағы жоқ
Бұрымды көп- "жұмбағы" жоқ.
*"Майда" көп- "ірі" жоқ,
Әйел көп- "пірі" жоқ.
*Құлақ көп- жиғаны жоқ,
Пенде көп- иманы жоқ.
*Дүние_ай, тұрағы жоқ,
Өмір бұл- сұрағы көп.
Келісесіз бе?
Нұртөре ЖҮСІП
