«ӘЛ-ФАРАБИ»: 300 АДАМҒА НАУРЫЗ КӨЖЕ МЕН ЫСТЫҚ БАУЫРСАҚ ҮЛЕСТІРІЛДІ (ФОТО)

«Әбу Насыр әл-Фараби» мешіті жылы шырайлы көктемнің хабаршысы болған, тамыры ежелгі дәуірлерден бастау алған Наурыз мейрамын атап өтуді бастап кетті.

«Әбу Насыр әл-Фараби» мешіті жанынан құрылған «Жібек» қыз-келіншектер клубының шәкірттері жамағатқа арнап мереке әрі сауапты іс ұйымдастырды. Наурыз мейрамының құрметіне орай ұйымдастырылған ізгі шарада мешіт шәкірттері ақшам намазы уақытында 300-ге жуық жамағатқа дәмді Наурыз көже, ыстық бауырсақ пен тәттілер үлестірді. Дін мен дәстүрді ұштастыра білген мешіт ұжымына және шәкірттерге жамағат зор алғыстарын білдірді.