«ӘЛ-ФАРАБИ»МЕШІТІНДЕ ҚҰРБАН АЙТ ҚАЙЫРЫМДЫЛЫҚ ЖӘРМЕҢКЕСІМЕН ЖАЛҒАСТЫ (ФОТО)

Құрбан айт мейрамы елордалық тұрғындар мен қала қонақтары үшін сән-салтанатымен аталып өтілуде.

«Әбу Насыр әл-Фараби» мешітінде Құрбан айт мейрамының құрметіне орай дәстүрлі қайырымдылық жәрмеңкесі өтті. Қайырымдылық жасауды көздеген жәрмеңкеге мешіт ұстазы Айгерім Қадыл мен мешіт жанындағы «Жібек» қыз-келіншектер клубы, қыз балалардан құралған шәкірттер толықтай атсалысты.

Қайырымдылық жәрмеңкеде тағамдар, тәттілер, тоқаштар және күнделікті тұтынуға арналған діни заттар ұсынылды. Шараның мақсаты – жәрмеңке қаражатымен мұқтаж жандарға қайырымдылық көрсету. Жәрмеңкедегі түрлі тәтті тағамдарды «Әбу Насыр әл-Фараби» мешітінің әйел жамағаты ұсынды.

Ардақты Пайғамбарымыздың (с.ғ.с): «Адамдардың ең қайырлысы – өзгеге пайдасы тигені» деген ізгі өсиетіне амал еткен мешіт шәкірттеріне алғыс білдіреміз.