Алматы облысы әкімі құттықтау хат жолдады (ФОТО)

Алматы облысының әкімі Амандық Баталов ҚМДБ Төрағасы, Бас мүфти Наурызбай қажы Тағанұлына құттықтау жеделхатын жолдады.

«Құрметті Наурызбай қажы Тағанұлы! Сізді Қазақстан мұсылмандары діни басқармасының Төрағасы, Бас мүфти қызметіне сайлануыңызбен құттықтаймын. Бұған дейін де Бас мүфтидің бірінші орынбасары бола жүріп, талай игі істердің басында жүрдіңіз. Ислам дінінің ізгі жолы арқылы қоғам тәрбиесіне, еліміздегі тыныштық пен бейбітшіліктің одан әрі нығаюына, конфессияаралық келісімнің орнығуына үлес қостыңыз. Сол жұмыстарды жаңа қызметте тың идеялармен байытып, соны серпінмен жалғастыруыңызға тілектеспін!» делінген жеделхатта.

Дереккөз: ҚМДБ баспасөз қызметі