АҚТАУ ҚАЛАСЫНДА ХІI РЕСПУБЛИКАЛЫҚ БАЙҚАУЫ БАСТАЛДЫ (ФОТО)

Бүгін Ақтау қаласында ХІI республикалық «Құран Кәрімді жатқа және мәнерлеп оқу» байқауы басталды.

Игі іс-шараның ашылу рәсімінде Бас мүфти Наурызбай қажы Тағанұлы: «Бүгін әулиелер мекені – Маңғыстау облысында «Бекет ата» мешітінде республикалық деңгейде қарилар арасында қасиетті Құран Кәрімді жатқа және мәнерлеп оқудан он екінші рет байқау ұйымдастырып отырмыз. Байқауға қатысушылар Құран Кәрімнің 30 парасын, 20 парасын, 10 парасын жатқа және мәнерлеп оқу номинациялары бойынша бақ сынайды. Байқауға 80 үміткер қатысуда.

Қатысушыларға қойылатын басты талаптың бірі – Құран ережесіне сай жатқа және мәнерлеп оқу. Аллаға сансыз шүкір, елімізде жыл санап қариларымыздың қатары артып келеді. Бүгінгі байқауды ұйымдастырудағы мақсатымыз – қоғамда Құранға деген құрметті арттыру, шәкірттерді Құран жаттауға жігерлендіру, жалпы халыққа Құран құндылықтарын насихаттау» деді.

​

Дереккөз: ҚМДБ Баспасөз қызметі