АСТАНА ИМАМДАРЫ ҚЫЗЫЛСУАТТАҒЫ «МӘШҺҮР ЖҮСІП» МЕШІТІНДЕ (ФОТО)

Ақмола облысы Целинаград ауданы Қызылсуат ауылында орналасқан «Мәшһүр Жүсіп» мешітінде ҚМДБ Астана қаласының имам, ұстаздары арнайы уағыз-насихат жұмыстарын жүргізді.

Рамазанның соңғы онкүндігінде орындалатын мешіттегі иғтикаф құлшылығында болған жамағатқа әртүрлі тақырыптарда уағыз-насихат жұмыстары жүргізілді. Атап айтсақ, «Пайғамбарымыздың (с.ғ.с.) оразасы», «Иғтикаф тәртібі», «Отбасы», «Рамазаннан кейінгі өмір», «Көркем мінез», «Алла Тағаланы ұлықтау» тақырыптарында лекциялар легі жалғасты.