АСТАНА ҚАЛАСЫНЫҢ ӘЙЕЛ-ҚЫЗДАР СЕКТОРЫ РУХАНИ КЕШ ҰЙЫМДАСТЫРДЫ (ФОТО)

ҚМДБ Астана қаласы өкілдігі Әйел-қыздар секторының ұйымдастыруымен «Қош келдің, Рамазан» атты мерекелік рухани кеш өтті.

Айтулы шараға ҚМДБ Әйел-қыздар секторының меңгерушісі Динара Құтқожақызы, Астана қаласының әйел ұстаздары мен жамағаты және ақ жаулықты аналарымыз қатысты.

Берекелі жиын «Әзірет Сұлтан» мешітінің наиб имамы Жұманазар қари Өсерханұлының қасиетті Құран аяттарын оқуымен ашылып, ақ дастархан басында жалғасын тапты.

Рамазан айына қатысты викториналық сұрақ-жауаптар өткізіліп, жеңімпаздарға кәдесыйлар үлестірілді. Ой салар сахналық көріністер қойылып, әйел жамағатына шүкіршілік тақырыбында уағыз-насихаттар айтылды.

Жиын соңында есік ашқалы тұрған рамазан айына аман-есен жеткізуін Алладан тілеп, дұға жасалды. Кешке жиналған жамағат ерекше рухани әсермен қайтты.