АСТАНАДА «ИСЛАМ ЖӘНЕ ДӘСТҮР ҚҰНДЫЛЫҒЫ» АТТЫ ДӨҢГЕЛЕК ҮСТЕЛ ӨТТІ (ФОТО)

Астана қаласының өкілі, «Әзірет Сұлтан» мешітінің бас имамы Ерболат Жүсіповтың басшылығымен  4 маусым – мемлекеттік рәміздер күніне орай Астана қаласында «Ислам және дәстүр құндылығы» атты имамдарға арналған дөңгелек үстел өтті.

Игі шараға ҚМДБ Шариғат және пәтуа бөлімінің меңгерушісі, наиб мүфти Сансызбай Құрбанұлы, Астана қаласы Дін істері басқармасының басшысы Қайролла Дүйсешұлы және елордалық имамдар қатысты.

Игі шарада дін мен дәстүр құндылықтары сөз етіліп, «Ислам және дәстүр құндылығы» жылына орай атқарылатын іс-шаралар талқыланды. Жиында тың пікірлер мен бастамалар ортаға салынып, игі шаралардың жоспары құрылды.