ӘЙЕЛ ЖАМАҒАТЫНА АДАЛ АС ТАҚЫРЫБЫНДА СЕМИНАР ӨТТІ (ФОТО)

«Әзірет Сұлтан» мешітінде ҚМДБ Халал Даму орталығының кәсіби мамандарының қатысуымен «Адал астың маңызы» тақырыбындағы семинар бүгін әйелдер жамағатына арнап өткізілді. 

Шара барысында мешіт ұстазы Зарина Шамидуллақызы Құран Кәрімде Алла Тағала: «Адал, таза һәм пайдалы ас-судан жеп-ішіңдер, әр кез игі іс істеңдер», - деп бұйырғанын айтып, тұшымды уағызымен жамағат назарын өзіне қаратты.

Семинарда «Халал Даму» стандарттау және сертификаттау орталығының технолог, сарапшы маманы Айжан Қалмаханқызы спикер болып, халал мен харам асты ажырату туралы тың ақпараттармен бөлісті. Ол көпшілік қауым ескере бермейтін, күнделікті тұтынатын тағамдардың құрамындағы күмәнді және харам қоспаларды атады.

Жамағат көкейлерінде жүрген сұраққа жауап алып, ұсыныс-пікірлерін білдірді.

Дереккөз: Muslim.kz