Бас мүфти Дүниежүзілік Ислам Лигасының өкілімен сұхбаттасты (ФОТО)

Елордада Қазақстан мұсылмандары діни басқармасының төрағасы Наурызбай қажы Тағанұлы Дүниежүзілік Ислам Лигасы Бас хатшысының кеңесшісі Абдель Азиз бен Ахмад Сархан мырзамен кездесті.

Кездесуде екіжақты ынтымақтастықты арттыру мәселелері сөз болды. Тараптар әлемдік сын-қатерлерге үн қатудың маңызын талқылап, мұсылман үмбетінің ауызбіршілігін нығайту жөнінде пікір алмасты.

Мәртебелі мейман Қазақстан Респубиликасының Тұңғыш Президенті Нұрсұлтан Назарбаевтың әлемдік дәстүрлі дін өкілдерін бірлікке үндеу туралы бастамасы жайлы пікірін білдіріп, адамдар арасындағы татулық пен достықты арттыру өзекті мәселенің бірі екенін атап өтті.

Кездесу соңында тараптар екіжақты ынтымақтастықты арттыруға уағдаласты.   

Дереккөз: ҚМДБ баспасөз қызметі