ПРЕЗИДЕНТ ҚОЖА АХМЕТ ЯСАУИ КЕСЕНЕСІНЕ ЗИЯРАТ ЖАСАДЫ (ФОТО)

Мемлекет басшысы Қасым-Жомарт Тоқаев Қожа Ахмет Ясауи кесенесіне зиярат етті. Бұл туралы Ақорданың баспасөз қызметі хабарлады.

Президент бүкіл түркі дүниесіне танымал ғұлама Қожа Ахмет Ясауидың және осында жерленген тарихи тұлғалардың рухына тағзым етіп, Құран бағыштады.

Сонымен қатар Президент Қасым-Жомарт Тоқаевқа «Әзірет Сұлтан» мемлекеттік тарихи-мәдени музей-қорығында жүргізіліп жатқан ескерткіштерді қалпына келтіру жұмыстары жөнінде мәлімет берілді.

Мемлекет басшысы кесененің тарихи келбетін сақтау жөнінде тапсырма берді.

Айта кетейік, зияратқа ҚМДБ Төрағасы, Бас мүфти Наурызбай қажы Тағанұлы да қатысты.

Дереккөз: ҚМДБ Баспасөз қызметі