ҚМДБ ТӨРАҒАСЫ АСТАНАДАҒЫ «ӘЛЖАН АНА» МЕШІТІНДЕ ЖҰМА НАМАЗЫН ӨТКІЗДІ (ФОТО)

Бүгін Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Астана қаласындағы «Әлжан ана» мешітінде жұма намазын өткізді.

ҚМДБ Төрағасы жұма құтпасында: Жаратқан Алла Тағала Қасиетті Құранда: «Күдіксіз: «Раббымыз – Алла» деп, кейін тура жолды ұстанғандарға ешқандай қорқыныш жоқ әрі олар қайғырмайды», – деп айтқан («Ахқаф» сүресі, 13-аят). Ардақты Пайғамбарымыз (оған Алланың салауаты мен сәлемі болсын) хадисінде: «Аллаға иман келтірдім де, сосын тура жолда берік бол», – деген (имам Мүслим).

Расында да адам баласына қажетті болған сипат – истиқамат. Яғни, дінде берік болу. Дінде берік болу деп – тура жолды тауып, хақ діннің жолына түскеннен кейін, оңды-солды ауытқымай, діннің барлық бұйрықтарына бағынып, тыйымдарынан толықтай тыйылу, құлшылықтарды орындауда табанды болу. Бұл әрбір мұсылман баласы үшін маңызды» деді.

​

Дереккөз: ҚМДБ Баспасөз қызметі