РЕСПУБЛИКАЛЫҚ АҚПАРАТТЫҚ НАСИХАТ ТОБЫНЫҢ МҮШЕСІ АСТАНАДА (ФОТО)  

Қазақстан мұсылмандары діни басқармасы Астана қаласы өкілдігінің бастамасымен уағыз-насихат және діни оқу-ағарту бағыттары бойынша Шымкент қаласы Қаратау аудандық «Байғұт баба» мешітінің бас имамы, РАНТ мүшесі Желеуов Дастан Сүлейұлы Астанаға арнайы іс-сапармен келіп, дін қызметкерлері, мешіт жамағаты, оқу орнының студенттері және медицина қызметкерлерімен уағыз-насихат жұмыстарын жүргізіп қайтты.

РАНТ маманы «Әзірет Сұлтан» мешіті, «әл-Фараби» мешіті, «Сығанақи» институты, «Садуақас қажы Ғылмани» мешіті, «Жанұя» қазақстандық әлеуметтік-медициналық компаниясының қызметкерлері, «әл-Фаттах» мешіті, «әл-Ғани» мешіті, Астана қаласы әкімдігінің №3 көпбейінді қалалық балалар ауруханасында болып, аты аталған мешіттер мен мекемелерде түрлі тақырыптарда уағыз-насихат жұмыстарын жүргізді. Атап айқанда уағыз-насихат жұмыстары жалпы 3 мыңға жуық адамды қамтыды.