«Рухани жастар» қанатының жетекшісі жастармен кездесті (ВИДЕО)

«Рухани жастар» қанатының жетекшісі Махамбет Искандеров және ұйым мүшесі Ернат Мелсұлы Сәкен Сейфуллин атындағы қазақ агротехникалық университетінің студенттерімен кездесті.

«Qazaq English» орталығының директоры, «Толық адам» концепциясының негізін қалаушы Ернат Мелсұлы жастарға дамудың төрт категориясын таныстырса, «Рухани жастар» қанатының жетекшісі Махамбет Искандеров уақытты тиімді пайдаланудың әдістерімен бөлісіп, студенттерге ұйым жұмысын таныстырды.  

Сондай-ақ, Еуразия Ұлттық университетінен келген дінтану пәнінің мұғалімі Әлімқұлова Салтанат студенттерге әлеуметтік желіде кездесетін экстремистік көзқарастағы материалдардан сақ болуды ескертті.

Оқу орнының студенттері өздерін мазалаған сауалдарға жауап алып, өзара пікір алмасты.

Кеш соңында оқу орнының теолог маманы Ерғали Зайтханұлы келген қонақтарға алғысын білдіріп, өз ризашылығын білдірді.