САХАБА ЖАЗҒАН ҚҰРАННЫҢ ЦИФРЛЫҚ КӨШІРМЕСІ ЖАСАЛДЫ

27 шілде 2022 1348 0
Оқу режимі

Жуырда іске қосылған «Metadee» цифрлық алаңы сирек коллекция бұйымы – тарихи маңызы зор Құранның қолжазбасын жарыққа шығарды. Бұл туралы thenationalnews.com сайты хабарлады.

Қасиетті кітаптың цифрлық көшірмесін Оксфорд университеті археология және өнер тарихының зерттеу зертханасы сертификаттады.

Бұл қолжазбаны пайғамбарымыз Мұхаммедтің (оған Алланың салауаты мен сәлемі болсын) сахабасы Зейд ибн Сабит әл-Ансари (Алла оған разы болсын) жазған. Ол Алла елшісінің (оған Алланың салауаты мен сәлемі болсын) жеке хатшысы және түскен Құран аяттарын жазушысы болған. Қолжазбаның түпнұсқасы Швейцарияда сақтаулы.

Лондондық Metadee цифрлық алаңының негізін қалаушы және басқарушы директоры Дапали Шукланың айтуынша, кітаптың үшінші, төртінші және бесінші томдарының да цифрлық көшірмесі жасалмақ.

Дереккөз: ҚМДБ баспасөз қызметі

Пікірлер Кіру