Bas müfti ardagerler üyînde auızaşar berdî (FOTO)

Keşe Qazaqstan mûsılmandarı dîni basqarmasınıñ törağası, Bas müfti Serîkbay qajı Oraz ardagerler üyîne arnayı ziyarat jasap, auızaşar dastarhanın jaydı. Bas müfti hazrettî ardagerler üyînîñ direktorı Raisa Mûsabekqızı kütîp alıp, qarttarğa jasalıp otırğan barlıq jûmıstarımen tanıstırdı. Eñ aldımen ardagerlerînîñ üyînîñ ortañğı ülken zalında ornalasqan qoldan egîlgen kîşî sayabaqtı aralap, ğimarat îşîndegî ğajap körînîstî jasağan basşılığına alğıs ayttı. Odan keyîn, qarttarğa qolaylı etîp jasalğan sporttıq sauıqtıru zalın aralap Bas müfti:

«Mınau sporttıq sauıqtıru zalı ardagerler üyînde jatqan densaulıqtarı sır bergen ârbîr qariyağa öte qolaylı jasalğan eken», - dep sauıqtıru zalındağı qûral-jabdıqtarmen tanıstı.

Sonımen qatar, qariyalardıñ arasındağı qolınıñ şeberlîgî bar kîsîlerge arnalğan qolöner jasau bölmesîn jâne qarttardıñ jüyke jüyesîn tınıştandıruğa arnalğan sauıqtıru bölmelerîn aralap şıqtı. Jâne jası 76-ğa kelgen ardagerler üyînîñ tûrğını Qûlmağambetova Tölebike Saimqızınıñ bölmesîne bas sûğıp, qart anamen sûhbattastı. Odan keyîn Bas müfti hazret ardagerler üyînîñ tarihınan sır şerter muzeydî araladı. Jâne №45 kîtaphanağa da ziyarat jasap, kîtaphana îşîndegî jûmıstarmen tanısıp, Öz atınan qazaqtıñ tarihı qamtılğan «Ûlı Dala tösîndegî İslam» attı eñbegîn qoltañbasımen sıyğa tarttı.

Ardagerler üyînîñ jûmıstarımen tanısıp bolğannan keyîn arnayı jayılğan auızaşar dastarhanında qariyalarmen sûhbattasıp, qam köñîl qarttardıñ köñîlîne medet sıylar aq tîlegîn jetkîzîp:

«Eñ aldımen qasiettî Ramazan ayı barşañızğa qûttı, mübarak bolsın. Allanıñ razılığı üşîn ûstağan orazalarıñız qabıl bolsın.
Bügîngî qoğamda küllî adamzatqa jetîspey tûrğan mînez ol – meyîrîmdîlîk. Bîz sol meyîrîmdîlîktîñ bîr üzîgîn bolsa da özderîñîzben bölîsuge kelîp otırmız. Sîzderdey qazınalı qariyalarımız aman bolsın», – dep,

ardagerlerînîñ üyînîñ tûrğını Tölebike Saimqızına jâne Raisa Qaldıbayqızına barşa mûsılmannıñ atınan jâne Öz atınan ülken qajılıqqa joldama tabıstadı. Qanşama mûsılmannıñ armanı bolğan qasiettî mekenge qajılıq saparınıñ joldamasına ie bolğan Tölebike Saimqızı analıq alğısın ayttı.

Şara barısında Ardagerler üyînîñ direktorı Raisa Mûsabekqızı söz alıp, Bas müftige şeksîz alğısın jetkîzdî. Sonımen qatar, keşegî ötken Maylıqojanıñ şöberesî Jâken Omarov qazaqı mândî terme orındap, qariyalardıñ köñîlîn köterdî.

Ardagerler üyîndegî aq tîlekpen bastalğan jüzdesu, aqsaqaldardıñ aq batasına ûlasıp, Kârîmğali Esîmjanûlı aqsaqal arnayı bata berîp, el men dînnîñ qıruar jûmısı bolsa da qarttarın ûmıtpay dastarhan jayıp otırğan Bas müfti hazretke zor alğısın jetkîzdî.

 

date09.06.2018readCount160printBasıp şığarusourceLinkQMDB Baspasöz qızmetî





comments powered by HyperComments