КЕНЕН ӘЗІРБАЕВТЫҢ 140 ЖЫЛДЫҒЫНА АРНАП ҚҰРАН ХАТЫМЫ БАҒЫШТАЛДЫ (ФОТО)

Астана қаласы «Ақмешіт» мешітінде бас имам Дәурен Муслимовтың ұйымдастыруымен қазақтың әйгілі халық ақыны, жырау Кенен Әзірбаевтың 140 жылдығына арнап Құран хатымы бағышталды.

Ең әуелі жамағатқа Кенен Әзірбаевтың өмір жолы мен шығармашылығы таныстырылып, өмірінің ғибратты оқиғалары баяндалды. Сондай-ақ отансүйгіштік, дінге, ұлтқа қызмет ету секілді тақырып төңірегінде уағыз айтылды.

Артынша Құран хатымының дұғасы жасалып, арда бабамыздың атына сауабы бағышталды. Жиналған жамағат жайылған ақ дастарханнан дәм татты.