Ливерпул ойыншысының себебімен Исламды қабылдаған

«Мен мұсылман болғанға дейін Ислам дініне деген көзқарасым жақсы болмады. Менің Исламды қабылдауыма себепші болған Ливерпул футбол клубының шабуылшысы Мұхаммед Салах», дейді ағылшындық футбол жанкүйері Бен Бирд.

Ол әуелі өнерімен тәнті еткен Мысырлық футболшы жайлы кеңінен зерттей бастаған. Кейін келе оның мұсылманға тән адамгершілік іс-әрекеттеріне тәнті болып Ислам дініне ерекше ден қоя бастапты.

«Мен өзімді таптым және бұл менің Мұхаммед Салахтан үйренген тұсым. Мен онымен кездесіп, рахмет айтуды қалаймын», дейді ағылшын азаматы Бен Бирд.

Сондай-ақ, ол жергілікті «Гардиан» басылымына берген сұхбатында мұсылмандықты қабылдаған соң барып жүрегі тыныштықты сезінгенін айтқан.