«Орал» медресесінің түлектеріне диплом табысталды (ФОТО)

Биыл ҚМДБ-на қарасты «Орал» медресесінің түлектерін ұясынан ұшырды. Оқу жылы аяқталып, қорытынды сынақтан өткен шәкірттерге диплом берілді.

Марапаттау рәсіміне медресе директоры, дінтану ғылымдарының магистрі Еркебұлан Қарақұлов, оқу ісі жөніндегі директордың орынбасары Бахрам Рахманов пен медресе ұстаздары Асылбек Наурызов, Әжімұқан Тұрлыбеков қатысты.

Салтанатты кеште медресе басшысы Еркебұлан Ыбырайымұлы медресе турасында сөз қозғап, білімнің маңызы мен оның жемісі жайлы тілге тиек етіп түлектерге сәттілік тіледі.