«AQMESHIT» МЕШІТІНДЕ «ДІН МЕН ДӘСТҮР» ҮШІНШІ КІТАБЫНЫҢ ТАНЫСТЫРЫЛЫМЫ ӨТТІ (ФОТО)

ҚМДБ Астана қаласы өкілдігіне қарасты  «Aqmeshit» мешітінде «Дін мен дәстүр» кітабының үшінші томының таныстырылымы өтті.

Аталмыш шараға ҚМДБ Дін мен дәстүр бөлімінің меңгерушісі Нұрбек Әуесханұлы, Астана қаласының өкілі, «Әзірет Сұлтан» мешітінің Бас имамы Ерболат Жүсіпов, «Aqmeshit» мешітінің Бас имамы Муслимов Даурен және Елорда мешіттерінің әйел жамағаты қатысты. 

Жиында бөлім басшысы Нұрбек Әуесханұлы дініміз бен дәстүрімізді дәріптейтін ҚМДБ Төрағасы, Бас мүфти Наурызбай қажы Тағанұлының бастамасымен «Muftyat» баспасынан жарық көрген бағалы еңбектің маңызы мен құндылықтарын тілге тиек етті. Артынша кітаптың арнайы лентасы қиылып, жамағатқа таратылды.

Айта кетсек, еңбекте асыл дініміз Ислам мен ғасырлар бойы халқымыздың тұрмыстық ғұрпында қалыптасқан салт-дәстүрлеріміз жан-жақты қамтылған.