ОБЛЫС БАС ИМАМДАРЫ МЕРЕКЕЛІК МЕДАЛЬМЕН МАРАПАТТАЛДЫ (ФОТО)

ҚМДБ Төрағасы, Бас мүфти Наурызбай қажы Тағанұлының жетекшілігімен өткен Төралқа мәжілісінде ҚМДБ-ның құрылғанына 35 жыл толуына орай облыс Бас имамдары мерекелік медальмен марапатталды.

Марапаттау барысында Бас мүфти марапат иелерін арнайы құттықтап, олардың өңірдегі рухани тұрақтылықты сақтаудағы, жамағатпен жүйелі жұмыс жүргізудегі еңбегін жоғары бағалады. Сондай-ақ Наурызбай қажы Тағанұлы Бас имамдардың қоғам алдындағы жауапкершілігін атап өтіп, елдің бірлігі мен берекесін арттыру жолындағы игі істеріне табыс тіледі.