КӨП АДАМ НАМАЗДЫ ТЕК ТІЛІМЕН ОҚИДЫ...
Көп адам намазды тек тілімен оқиды, бірақ жүрегімен Алланы еске алмайды.
Көп адамдар ораза ұстайды, бірақ ғайбат пен тәкәппарлықтан тыйылмайды.
Ал шынайы Аллаға ғашықтар мүлде басқа:
- Олар үшін намаз бен үнсіздік, зікір мен іс, мешіт пен базардың айырмасы жоқ.
Өйткені олардың жүрегі қай жерде жүрсе де Алламен әуре. (Жәләл ад-Дин Руми қ.с.)
Хазіреті Руми қ.с. мұнда сыртқы ғибадат пен ішкі халдің айырмасын көрсетіп отыр.
«Көп адам намазды тілімен оқиды» — яғни намаз бар, бірақ жүрек қатыспайды. Қимыл бар, рух жоқ. Ғибадат әдетке айналған.
«Ораза ұстайды, бірақ ғайбат пен тәкәппарлықтан тыйылмайды» - шынайы ораза тек аш жүру емес, нәпсіні тежеу. Тіл, ой, жүрек те ораза ұстауы керек.
Ал «ғашықтар» дегені — Алланы шын сүйгендер.
ОЛАР ҮШІН:
- Ғибадат пен күнделікті іс боп бөлінбейді,
- Мешіт пен базар айырылмайды,
- Зікір тек тілмен емес, халмен жүреді.
Себебі олардың жүрегі үнемі Алламен байланысты. Олар Алланы тек намазда емес, әр сәтте еске алады.
