«ӘЗІРЕТ СҰЛТАН» МЕШІТІНІҢ АУЛАСЫНА КҮРДЕЛІ ЖӨНДЕУ ЖҰМЫСТАРЫ ЖҮРГІЗІЛУДЕ (ФОТО)

Астана қаласының бас имамы Ерболат Жүсіповтің ұйымдастыруымен «Әзірет Сұлтан» мешітінің ауласында ауқымды күрделі жөндеу жұмыстары жүргізіліп жатыр.

Бұл бастама мешітке келушілерге ыңғайлы жағдай жасау және аумақты абаттандыру мақсатында жүзеге асырылып отыр. Жөндеу жұмыстары аясында мешіт ауласының тас төсеніштері жаңартылып, жарықтандыру жүйелері жаңартылуда. Сонымен қатар, көпшілік келіп отыратын мешіт маңайындағы орындықтар мен шағын қоқыс жәшіктері ауыстырылуда.

Мешіт әкімшілігі жөндеу жұмыстарының құлшылық етушілерге қолайсыздық тудырмауы үшін тиісті жағдай жасалғанын атап өтті. Уақытша шектеулер енгізілген аумақтар нақты белгіленіп, келушілерге ыңғайлы бағыттар ұйымдастырылған.

Бұл жөндеу жұмыстарының нәтижесінде» Әзірет Сұлтан» мешітінің ауласы эстетикалық тұрғыдан әдемі әрі функционалды орнын сақтай отырып, жамағаттың демалуына және құлшылық жасауына барынша қолайлы жағдай туғызады.

Дереккөз: ҚМДБ Астана қаласы өкілдігінің баспасөз қызметі