2025 JYLY QAZAQSTANDYQTAR MINDETTI MEDITsINALYQ SAQTANDYRÝǴA QANShA TÓLEIDI
Áleýmettik medıtsınalyq saqtandyrý qory qazaqstandyqtardyń 2025 jyly mindetti áleýmettik medıtsınalyq saqtandyrýǵa (MÁMS) qansha tóleıtinin aıtty.
Qazaqstandaǵy eń tómengi jalaqy 2025 jyly burynǵy deńgeıde saqtalatyndyqtan, mindetti medıtsınalyq saqtandyrý tólemderiniń kópshiligi ózgermeıtini habarlandy.
"Táýelsiz tóleýshiler men jeke kásipkerler úshin jarnalardy esepteýdiń negizi eń tómengi jalaqy sanalady. 2025 jyly onyń mólsheri burynǵy deńgeıde qalady – 85 000 teńge. Bul jarna somasynyń ózgermeıtinin bildiredi. Jumys berýshiler men qyzmetkerler úshin mólsherleme de ózgerissiz qaldy – sáıkesinshe 3 jáne 2 paıyz", –delingen habarlamada.
Tek bir rettik tólemniń mólsheri – 21,5-ten 23,8 paıyzǵa deıin, sondaı-aq halyqtyń jeńildikti sanattary úshin memleket jarnalary – aǵymdaǵy qarjy jylynyń eki jylynyń aldyndaǵy ortasha aılyq jalaqynyń 1,9-dan 2 paıyzǵa deıin ózgeredi. Ony memlekettik statıstıka salasyndaǵy ýákiletti organ aıqyndaıdy.
Osylaısha, 2025 jyly mindetti medıtsınalyq saqtandyrý tólemderiniń kólemi kelesideı bolady:
jumys berýshiniń jarnalary – qyzmetkerdiń eseptelgen tabysynyń 3 paıyzy;
qyzmetkerlerdiń jarnalary – tabystyń 2 paıyzy;
Biryńǵaı tólem tóleýshiler – eńbekaqy qorynyń 23,8 paıyzy;
azamattyq-quqyqtyq sharttar boıynsha jumys isteıtin jeke tulǵalardyń jarnalary – tabystyń 2 paıyzy;
jeke kásipkerler men jeke tájirıbemen aınalysatyn tulǵalardyń jarnalary – 5 950 teńge (respýblıkalyq bıýdjet týraly zańda tıisti qarjy jylyna belgilengen eń tómengi jalaqynyń 1,4 eselengen mólsheriniń 5 paıyzy);
Táýelsiz tóleýshilerdiń jarnalary – 4250 teńge (eń tómengi jalaqynyń 5 paıyzy);
Mindetti medıtsınalyq saqtandyrýǵa memleket jarnalary – 7 285,9 teńge.
Mindetti medıtsınalyq saqtandyrý jarnalaryn "Qazpochta" AQ kassalary, ekinshi deńgeıli bankterdiń kassalary men mobıldi qosymshalary, tólem termınaldary arqyly tóleýge bolady.
Mindetti medıtsınalyq saqtandyrý júıesindegi mártebeńizdi mynalar arqyly tekserýge bolady:
Áleýmettik medıtsınalyq saqtandyrý qorynyń msqory.kz saıty;
Telegram boty (https://t.me/SaqtandyryBot);
Qoldau 24/7 mobıldi qosymshasy;
keıbir Ekinshi deńgeıli bankter mobıldi qosymshalary;
medıtsınalyq saqtandyrý júıesine medıtsınalyq kórsetiletin qyzmetti tutynýshy retinde qatysý týraly jáne aýdarymdardyń jáne (nemese) jarnalardyń aýdarylǵan somalary týraly aqparat usyný" memlekettik qyzmeti arqyly egov.kz Elektrondyq úkimettiń ınternet-resýrsynda.
