ADAL URPAQ BOLYŃDAR!

Ata-ana degen bir jurt bar,

Baladan kóńili qalmaıtyn.

Bala opasyz bolsa da,

Aramdyqqa barmaıtyn.

Qashyp ketse balasy,

Sońynan onyń qalmaıtyn.

Habarlaspaı ketse de,

Jolyn tosyp zarlaıtyn.

Ne desede jur oǵan,

Eshtemege nanbaıtyn.

Taýsylǵanda amaly,

Amandyq tilep oılaıtyn.

Úzilip bara jatqanda,

Tapsyrýyn qoımaıtyn.

Jaqsy-jaman bolsa da,

Qylyǵyna toımaıtyn.

Ata-anadaı keń peıil,

Kim bar aıtshy oılaıtyn.

Osy jurt ǵana emes pe,

Adamdyǵyn joımaıtyn.

Úlken júrek solarda,

Qajymaıtyn, solmaıtyn.

Oqqaǵaryń osylar,

Bar páleden qorǵaıtyn.

Kóripkelde osylar,

Bolashaǵyńdy boljaıtyn.

Batasyn almaı ketkender,

Joly bolmaı sorlaıtyn.

Salıqaly urpaq bol,

Mundaı iske barmaıtyn.

Renjitseń bulardy,

Tilegiń qabyl bolmaıtyn.

Adal urpaq bolyńdar!

Alla súıip qoldaıtyn.

Kúnshaıym JATQANBAEVA