ADAMDAR ÓMIR BOIY JÚREGINIŃ TÚBINDEGI «KILTTI» UMYTÝMEN ÓTEDI
Demalýǵa kelgen úsh jigit nomerdi oteldiń jetpis besinshi qabatynan alǵan. Keshke taza aýaǵa shyǵýdy sheshken úsh joldas shyǵa beriste ákimshiliktegilerden túngi saǵat 10-nan keıin lıfttiń istemeıtinin biledi. Keshikpeýdi jón sanap, saıabaqqa qaraı bet alǵan jigitter otelge túngi saǵat onnan keshigip kelgen edi. Jetpis besinshi qabatqa jaıaý shyǵý aqylǵa syımaıtynyn aıtyp ákimshiliktegilerge qansha jalynǵanmen, nátıje bolmady. Eskertý de jasalǵan, tek keshigýshiler ózderi kináli.
Sonymen, alda jetpis besinshi qabattaǵy nomerge jaıaý kóterilý máselesi tur. Úsh jigit ár jıyrma bes qabattan bólip alyp, áńgime dúken qurýdy óz moıyndaryna alady.
Aralaryndaǵy birinshi jigit jıyrma besinshi qabatqa deıin kóńil kóterip, nebir kúlkili oqıǵalardy eske alyp, kóńildi biraz kóterip tastady. Kelesi kezekti alǵan jigit oı qosarlyq máni bar salmaqty áńgimeler aıtyp, kezekti úshinshi joldastaryna bergen edi.
Úshinshi jigittiń áńgimeleri muńdy eken. Jetpis besinshi qabatqa da jetip qalǵan jigitter kilt toqtady, aralaryndaǵy bireýi ókinishti jáne ǵıbratty habary baryn aıtty:
-Jaıaýlatyp jetpis besinshi qabatqa da kelip qalyppyz, qatty ókinip turmyn. Birinshi qabattaǵy ákimshiliktegilerden bólmemizdiń kiltin alýdy umytyp ketippiz.
Jigitter, jeter mejege kelip, amalsyz ókinip turǵannan saqtasyn. Jumyr bastynyńǵumyry qazirgi sáttegi jaǵdaıǵa uqsaıtynyn qarańdarshy, jıyrma bes jasqa deıin oıyn-kúlkimen ótetin jastyq shaq, odan ári otbasyn quryp, ıttirliktińqamyna kóshýdi buıyrtsa, paıǵampar jasynyń ar jaq ber jaǵynda adam ana ómirge kamdana bastaıtynyn baıqaýǵa bolady. Adamdar ómir boıy júrekteriniń túbindegi «kiltti» umytýmen ótedi. Meıirimdi Jaratýshymyz osyndaı jaǵdaıdan saqtasyn.
