«ÁKIM» DEGEN SÓZDEN ShYǴATYN ALTY TÚRLI KESAPAT

Áz Táýke han zamanynda qazaq arasynda Buhara - sháriptegi on eki bab ǵylymynan habar beretin Kókiltash medresesin aıaqtaǵan ÁNET BABA degen óte ǵulama ǵalym, aqylgóı adam bolypty. Súıegi Tobyqty deıdi. Qazaqtyń eski jolyn úırendim, Qasym hannyń qasqa joly, Esimniń eski jolyn jattadym, endigi bilgim keletini din musylmannyń sharıǵat joly, sony úırenemin, - dep

Qazdaýysty Qazybek bı jas kezinde ádeıilep kóship kelip, babańmen bir jaz qonystas bolypty. Kúz eline qaıtarda Babańmen qoshtasyp turyp,

 - Baba! – Myna dúnıeni ne buzady? Adamshylyq ar qalaı buzylady? Kúná neden bolady? – dep surapty.

Sonda Babań oılanyp otyryp:

- Shyraǵym, «Ákim» degen sóz arabsha úsh árip, sony eki ret aıtsa, alty árip bolady. Sol altaýy alty sózdiń basqy áripteri:  Áıel men Altyn, Kek pen Kejir, Maqtan men Mansap.

Adam osy altaýyna qyzyǵyp dúnıeni de buzady, ardan da, adamshylyqtan da aırylady, kúnáǵa da batady, -degen eken.

J.Artyqbaevtyń fb paraqshasynan