«ALTYNNYŃ BÝY»

Ájem birde mynadaı áńgime aıtyp edi:

Baıaǵyda bir han bolypty. Óte ádil, baısaldy, ári boljaı biletin qasıeti bolypty. Onyń únemi saqalyn túzep, qyryp turatyn bir quly bolypty. Quly sharýaqor, óte jýas, momyn jan eken. Únemi saraıdyń ishinde bir bólmede hanǵa qyzmet jasap júrip otbasyn asyrapty.

Kúnderdiń kúninde hannyń sarbazdary bir joryqtan kele jatyp,elge jetpeı bir taýdyń etegine tústenipti. Hanǵa dereý kórshi eldegi hanmen kezdesýge habarshy kelgen eken. Han jolǵa tııanaqty daıyndalypty.

Saqalyn túzetýge kelgende oılanyp qalǵan eken. Sebebi saqalyn túzeıtin qul elinde qalǵan eken. Ony shabarman jiberip bir kún, bir túnniń ishinde aldyrtypty. Bir taýdyń kóleńkesinde saqalyn kúzetipti. Saqalyn alyp turǵan quldyń mineziniń aıaq asty ózgergenin baıqapty. Álgi qul hanǵa "túzý otyr, ary otyr, beri qara, ary qara"_dep bir ornynda turyp kijine beredi eken. Saqalyn kúzep kele jatyp týra tamaqtyń astyna kelgende "Myna tustan oryp jiberer me edi!"_dep qoıady eken. Han sabyrmen baıqap otyrypty. Ábden saqalyn alyp bitken soń nókerlerine;

_Myna quldyń turǵan jerin, aıaǵynyń astyn dereý qazyńdar!-dep buıyrypty.

Buıryqty oryndaǵan ýázirler bir jarym metr tereńdikten at basyndaı altyn taýyp alypty. Sonda altynnyń býy álgi quldy hanǵa qarsy sóıletip turypty.

Sonda han: «Halyq arasynda "Altynnyń býy", "aqshanyń býy" degen uǵym bar emes pe?! Altyn alasurtady, kúmis kúlimdetedi-degen eken.

Altyndy kóp jınaǵan adam onyń sadaqasyn taratyp otyrýy kerek. Adam altyndy kóp taǵynyp alǵanda kezdeısoq jaǵdaılarda arnaıy bir sheshim qabyldaı almaıdy. Altynnyń joly aýyr bolady. Altyn urlaǵan adamnyń eshqashan joly bolmaı, alasuryp ótedi.

Al kúmis tazartady. Kúmis taǵynǵan áıeldiń asy adal bolady. Tipti balanyń jórgegin jýsa da adaldanyp turady mys.