AMANATTYŃ TÓL IESI
Imansyz pende bul ǵumyrda en dáýletke kenelip, mansaby kók tirep tursa da, ol shyndyǵynda baqytsyz. Musylman pende pánı dúnıede el arasynda «basyna baq darymaǵan, sory bes eli» atanyp, baqytsyz bolsa da, ol negizi baqytty. Óıtkeni, ol – jalpy jaratylys Iesiniń dosy. Quranda Alla Taǵala: «Alla – ózine ıman etkenderdiń dosy. Olardy qarańǵylyqtardan jaryqqa shyǵarady. Al qarsy kelgenderdiń dostary – shaıtan. Olardy jaryqtan qarańǵylyqtarǵa tartady» . Mine, musylman Jaratýshynyń dosy bolǵandyqtan ómirde esh nársege ókinbeıdi. Bul dúnıede máńgi baqı turaqtap qalmaıtyna hám aqyrette sol Uly Dosyna qaıtatynyna bek senedi. Óziniń jany da, otbasy da bári Uly Jaratýshynyń amanaty ekenine kámil ılanady. Kez-kelgen sátte Alla Taǵala amanatyn alatyn bolsa, onda myna dúnıede máńgi qalatyndaı kórip ǵumyr keshýim tipti qısynsyz emes pe?! Biraq musylman adam da perishte emes pende ǵoı. Ol da qatelesedi. Ol da keıde bul ǵumyrdy pánı dep bilgenmen, ańǵaldyqpen adasady. Sondyqtan árqashan bir-birine aqıqatty nasıhattap otyrý – musylmandardyń paryzy.
Paıǵambarymyz bylaı deıdi: «Israıyl urpaqtarynyń arasynda ǵalym hám kóp qulshylyq qylar taqýa bir adam bar edi. Osy kisiniń bir kúni súıip qosylǵan áıeli kenetten qaıtys bolady da álgi adam qatty qaıǵyryp, esikti ishten tars bekitip, aza tutyp, tósekten tura almaı jatyp qalady. Onyń osy jaǵdaıyn sol eldegi bir áıel estıdi. Álgi ǵalymnyń úıine kelip, esik aýzyndaǵy kisilerge: «Meniń ǵalymmen jekeshe sharýam bar edi»,- deıdi. Aýyzdaǵy adamdardyń biri ǵalymǵa: «Myna jerde sizdi bir áıel kútip tur. Sózsiz sizge jolyǵýym kerek. Jeke máselem bar deıdi! – dep habar beredi. Ǵalym: «Kelsin»,- dep jaýap qatady. Áıel janyna kelip: «Sizden bir nárse suraǵaly kelip edim»,- deıdi. Ǵalym: «Ne suraıyn dep ediń?»,- degende áıel: «Meniń kórshimnen amanat etip alǵan bir alqam bar edi. Ony biraz ýaqyt taǵyp, paıdalandym. Keıinnen menen sol alqany qaıta surady. Siz ne deısiz? Alqany ıesine qaıtaryp bereıin be? - deıdi. Ǵalym: «Álbette, dereý qaıtaryp berýiń tıis»,- dep naqty aıtady. «Biraq alqa kópten beri moınymda taǵýly edi. Sondyqtan ony qatty jaqsy kórip qalǵan edim»,- dep, áıel bergisi kelmegenin bildiredi. Ǵalym sonda: «Oǵan ábden úırenip, janyńa jaqyn bolǵanyna qaraǵanda, ol sende kóp turyp qalypty ǵoı. Dereý amanatty ıesine qaıtarýyń qajet»,- deıdi. Osyny aıtqanda áıel: «Qudaı Taǵala aqyryn bersin! Sen Alla Taǵalanyń amanat etip berip, endi qaıtaryp alǵan nársesine qaıǵyryp otyrsyń ba? Ol bergen amanatyna senen qaraǵanda áldeqaıda laıyq emes pe?»,- deıdi. Ǵalym ýájge jyǵylyp, Haq Taǵalaǵa shúkir etip, es jııady» .
Mine, ataqty ǵalymǵa aýyldyń qarapaıym áıeli nasıhat aıtyp, táýbesine keltirgen. Bul da – naǵyz musylman qoǵamynyń hıkmetti bir kórinisi. Atam qazaqta mundaı mysaldar kóp. Ýássálám.
Muhıtdın ISA
