ANAMNYŃ ÓTINIShI

Sheshesi birde Ábý Hanıfaǵa ótinish jasap, bir máseleniń jaýabyn ǵalym Omar ıbn Zárrden surap kelshi dep jumsaıdy. Aıtqan kisisi alty shaqyrymdaı alysta turatyn.

Ábý Hanıfa anasynyń aıtqanyn eki etpesten dereý álgi kisige barady. Sheshesiniń ótinishin jetkizedi. Alaıda ǵalym ol jaýapty bilmeıtindigin aıtyp, jaýabyn Ábý Hanıfanyń ózinen suraıdy. Ábý Hanıfa ol jaýapty biletin edi, aıtyp berdi.

Tańyrqaǵan Omar ıbn Zárr: «Óziń de biledi ekensiń, maǵan nesine kelip áýre boldyń?» – dep suraıdy. Sonda Ábý Hanıfa: «Sheshemniń aýzynan shyqqan ótinishin oryndaý – meniń mindetim», – dep jaýap bergen eken.

Qudaıberdi Baǵashar