AQYMAQ PEN ShYNDYQ

Birde Aqymaq bazardan Shyndyq satyp alypty.

Bir-eki aqylsyz suraq qoıǵanyna aılaker satýshy tegin beredi. Soǵan marqaıyp, bul da jónine ketedi.

Biraq, Shyndyqpen betpe-bet kelgender biledi ǵoı, ondaı zil batpan aýyrlyqty kóterip júrý de ońaı emes, alysqa uzaı qoımaısyń...

Aqymaq sile bop sharshaıdy, Shyndyqty kóterip júre almaı, aqysyn tólep alǵan soń, tastap ketýge taǵy qımaıdy.

Dármeni quryp, súıretilip, úıine ázer jetedi.

— Aqymaq, qaıda júrsiń, tentirep?- dep áıeli shaptyǵa jóneledi.

Abdyrap, bolǵan jaıdy aıtyp bergenimen, Shyndyqtyń oǵan nege qajet bola qalǵanyn, ne múddemen satyp alǵanyn túsindire almaı, álekke túsedi, Aqymaq.

Qansha tyrashtansa da, Shyndyqty nege jarataryn, odan qandaı paıda tabaryn bilmeı, Aqymaq áıeli ekeýi dal bolady.

— áı, Aqymaq, myna túkke turmaıtyn Shyndyǵyńdy bazarǵa apar da, tegin bere sal, báribir bunyń bereketin kórmeımiz, biz, - deıdi, áıeli, amaly quryp.

Bazarǵa jetken Aqymaq bar daýsymen:

— Shyndyq! Shyndyq! Kimge Shyndyq kerek? Kelińdeeer, tegin bereeem!, - dep aıqaı salady.

Bazarlap júrgen jurt qyzyǵyp, kóz qyryn sala qoımaıdy.

— Seniń Shyndyǵyń kimge kerek, bizdiń satylmaıtyn óz Shyndyǵymyz bar,- deıdi halyq.

Kenet, tóńirekte júrgen bir ózin Aqyldy sezinetin kisi Shyndyqty shyr aınaldyryp, qarap shyǵady da:

— Eı, jigitim, myna Shyndyǵyńa qansha aqy suraısyń?,- deıdi.

— Bunyń quny " kók tıyn",- dep Aqymaq qýanyp ketedi, — tegin berem,-deıdi.

Sol sátte taǵy bir Aqyldy kisi kelip, ol da narqyn suraıdy. Mámilese kele, eki Aqyldy Aqymaqqa aqysyna alǵys aıtyp, bir Shyndyqty bólip satyp alady.

Bólikke bólingen jartylaı Shyndyq kóterýge de jeńil, kózge de súıkimdi kórinedi. Puldasa jyldam ótip ketedi.

Eki Aqyldynyń myna tapqyr tirlikterine ózgeler qyzyǵa qaraı bastaıdy. Olar da osylaı jartylaı shyndyqtyń "keremettigine" senip, Shyndyqty ózderi qoldan jasap, ony eki bólip, jarty Shyndyqty artyǵymen toltyryp tastaıdy, qoımaǵa.

Osy tirliktiń paıda ákelgeni sonsha, adamdar da tezirek satý úshin bireýdiń satqyndyǵyn kórse de: "Satqynsyń!" deýdiń ornyna, "salmaqty ekensiz", "ótirikshige- qııalyńyz júırik" eken dep jartylaı Shyndyqtaryn saýdalaı beripti.

Tipti, bizdiń baıaǵy ózderin baıytqan Aqymaǵymyzǵa: "ózindik oıyń bar azamatsyń ǵoı!" dep arqasynan qaǵady eken...

Aýdarǵan Ádemaý TOLYSBAEVA