AQYRETTE SYLTAÝLAR KÓMEKTESPEIDI

Paıǵambarymyz (s.a.ý.) bylaı deıdi: «Kimniń tańerteń turǵandaǵy alǵashqy oıy dúnıe (dúnıelik nárse) bolsa, (oǵan) Alla Taǵaladan eshnárse (járdem) joq». (Hakım, «ál-Mústádrák»)

 Qııamet kúni bir qul (Alla Taǵalanyń dárgeıine) kelgende, oǵan:

«Maǵan ǵıbadat etken quldarymnyń qatarynan bolýǵa saǵan ne kedergi boldy?» - dep suraıdy. 

Qul: «Ýa, Rabbym! Meni qıynshylyqqa dýshar qyldyń jáne ákimder men basshylardy basyma bále qyldyń. Olar meniń qulshylyǵyma kedergi boldy?» - deıdi. Oǵan Iýsýfti (a.s.) úlgi kórsetip oǵan: 

«Sen ba álde Iýsýf pa (a.s.) kóp qıyndyqqa tap boldy?» - dep suraıdy. Qul: «Iýsýf (a.s.)» - dep jaýap beredi.

Oǵan: «Onda nege qıyndyqtar onyń ǵıbadatyna kedergi bolmady» - dep suraıdy. 

Baı qul (Allanyń dárgeıine) keledi. Oǵan: «Meniń qulshylyq qylǵan quldarymnan bolýyńa ne kedergi boldy?» - dep suraıdy. 

Qul: «Ýa, Rabbym! Mal-múlkim kóp edi» - dep sharýasynyń kóptigin aıtyp,  sanap shyǵady. Oǵan Súleımendi (a.s.)  úlgi kórsetip: «Jaraıdy, eń baı sen ba álde Súleımen be (a.s.)?» - dep suraıdy.

Qul: «Árıne, Súleımen (a.s.):» - dep jaýap beredi. 

Sol kezde: «Onda nege onyń baılyǵynyń kóptigi ǵıbadatyna kedergi bolmady?» deıdi.

Naýqas qul (Alla Taǵalanyń aldyna) keledi. Odan: «Maǵan ǵıbadat jasaýǵa ne kedergi boldy?» - dep suraıdy. 

Qul: «Ýa, Rabbym! Meni aýrýǵa dýshar qyldyń» - deıdi. Sol kezde oǵan Áııýbti (a.s.) dálel kórsetip: «Al qıyndyq pen aýrýy kóp seniki me álde Áııýbtiki (a.s.) me?» - dep suraıdy.

Qul: «Álbette Áııýbtiki (a.s.)» - deıdi.

Sol kezde oǵan: «Onda nege zııan men páleket onyń ǵıbadatyna kedergi bolmady?» - deıdi.