Ash júrýdiń 10 artyqshylyǵy

08 shіlde 2021 5494 0
Оqý rejımi

Ash júrýdiń qandaı bolatynyn oraza ustaǵan jamaǵat jaqsy túsinedi. Olaı bolsa, dál osy sezimder sizdiń de basyńyzdan ótip jatqan bolar, oqyp kórińiz:

1. Ashtyq halde kóńil tynyshtyǵy men zeıin (jady) kúshtiligi, al toqtyqta aqymaqtyq pen umytshaqtyq paıda bolady.

2. Ashtyq halde júrek juqalyǵy, ıaǵnı sezimtaldyq bolady. Sonan duǵa men ǵıbadattardan lázzat alynady. Toqtyq xalde júrek qataıady da, ǵıbadattan lázzat alý múmkin bolmaıdy.

3. Ashtyq halde qarapaıymdylyq pen minez jumsaqtyǵy, al toqtyqta tákapparlyq, maqtanshaqtyq, ashý hali bolady.

4. Ashtyq halde kedeıler men ash júrgenderdiń qamyn oılaý, al toqtyq halde olardy oılamaý men beıqamdyq kórinis tabady.

5. Ashtyq halde nápsilik armandarǵa degen áýesqoılyq basylady. Toqtyqta kerisinshe, iske asady.

6. Ashtyq halde shıraq ári sergek bolady. Toqtyq halde uıqy men ǵapyldyq , jalqaýlyq bolady.

7. Ashtyq halde ǵıbadat pen qulshylyqty jalǵastyrý ońaı, al, toq bolǵanda jalqaýlyq pen osaldyq basym.

8. Ashtyq halde densaýlyq jaqsarady, kerisinshe toqtyqtan túrli aýrýlar paıda bolyp, dene álsireıdi.

9. Ashtyq halde denede jeńildik pen rahat bolady, toqtyqta aýyrlyq basady.

10. Ashtyq halde sadaqa berý sııaqty qaıyrymdylyq pen ınfáq jasaý sezimi kóbeıedi. Bul da quldy qııamet kúniniń úreıli ystyǵynda salqyn kóleńkege jetkizedi. Al, toqtyq halde sarańdyq pen ysyrapqorlyq paıda bolady da quldy zııanǵa ushyratary anyq.

Pіkіrler Kіrý