ÁSIRE DINShILDIKTIŃ MEMLEKET PEN QOǴAMǴA QAÝPI
Elimizdegi din salasyndaǵy kóptegen kúrdeli máselelerdiń biri azamattarymyzdyń dinge kelýi kezinde ártúrli adamdardan dindi tanyp, ártúrli toptarǵa bilmestikpen kirip ketýi.
Bastabynda dindaryq retinde sanaǵan tanymy keıinnen ásire dinshildik bolyp ketkenin kóp azamattar baıqaı almaıdy. Bunyń sebebi, dinı bilimniń tómendigi jáne aldyndaǵy adamnyń bilimine qarsy dáıek keltire alatyndaı rýhanı ımmýnıtetiniń bolmaýy.
Dinı senim aqyl men parasatqa júgingen jaǵdaıda ǵana shynaıy dindarlyq, rýhanı mádenıet qalyptasady. Osyǵan oraı Abaı Qunanbaıuly: «Ǵylymsyz oqyǵan namaz, tutqan oraza, qylǵan haj, eshbir ǵıbadat ornyna barmaıdy!» - deıdi.
Sondyqtan búgingi kúnde shekten shyqqan ásire dinshildik, dinı fanatızmnen týyndap otyrǵan zardaptar, keleńsiz oqıǵalardyń barlyǵy sol ǵylymsyz, parasatsyz dinge kelgendikten, dinı, saıası, rýhanı, tarıhı t.b. saýatsyzdyqtan bolyp otyrǵany anyq.
Ásireshildikti ádet qylǵan dinshilder men «ustazdar» eshqashan bizdiń múddemizge saı kelmeıdi, olarda rýhanı múddeden góri saıası, materıaldyq múdde basym ekenin ózderi de túsine bermeıdi. Sondyqtan eldiń, ulttyń, halyqtyń tutastyǵyn saqtap qalý úshin, ózderin ǵana dindar sanaıtyn, din ustanýshylardan saqtaný qajet!
Olaı bolmaǵan jaǵdaıda, qoǵamdaǵy aýyzbirshilik tómendeıdi, al aýyzbirshilik tómendese eldiń tutastyǵy men yntymaǵyna nuqsan keledi. Yntymaq ketken jerden yrys ta ketedi!
Ishki tynyshtyqtan aıyrylǵan elder ózgelerdiń jemine aınalatyndyǵyn qazir sanaly adam túsinedi. Tól rýhanııatymyz ben qundylyqtarymyzdy urpaq sanasyna sińirýdiń qamyn oılaıtyn kez jetkeli qashan?!
El aman, jurt tynysh bolsyn!
