Ashatuly Jalǵas

Ashatuly Jalǵas 1987 jyly 30-qańtarda Túrkistan oblysy Túrkistan qalasynda dúnıege kelgen. 2006-2011 jyl aralyǵynda Mysyr Arab Respýblıkasynda bilim alǵan. Astana, Shymket qalasynda din salasy boıynsha 2011 jyldan beri eńbek etip keledi.

Paıǵambarǵa saǵynysh !

Bısmıllá ár sózbenen istiń basy,
Adamzattyń asyl tekti padıshasy.
Muhammed esimi eske túsip saǵynǵanda
Tógiledi janardyń muń ystyq jasy.

Jaratýshym tańdaǵan ózi ereń,
Týra jolǵa salǵany nendeı qurmet.
Tek ózińe berilgen qasıeti
Ózge eshkimde joǵyna kámil senem.

Adamzattyń adaly, kıesisiń,
Qııamette shapaǵat ıesisiń!
Boıyńdaǵy adamı qasıetiń
Saǵan ǵana aıryqsha tıesil shyn!

Sónbegen keýdedegi shyraq jaryq,
Qastandyqtyń bárine shydap janyń.
Mekkelikter jamandyq jasasa da
Qyńq etip álsizdik ún shyǵarmadyń.

Bastartyp mansaptan da, baılyqtan da,
Úırettiń adamdardy mahabbatqa.
Bas tartyp hál ústinde ómirden de,
Júzdesý armanyń bop jaratqanǵa.

Islam joly tartqyzdy san mashaqat,
Taıf eli qýdalap, tas atqylap,
Sonda da týra joldy duǵa ettiń
Moıymaı júzińnen nur jarqyrap.

Seni tanyp aryldym jat qylyqtan,
Nasıhattap óziń jaıly jaqsylyqty.
On tórt ǵasyr ótse de sen ketkeli,
Aırylmady Islam dini naqtylyqtan.

Haq jolynda adal ediń, ólermen eń,
Sol Islam búginde esh kónermegen.
Júzińdi janarymmen kórmesem de
Alar ornyń tym erek júregimnen.

Sen dese musylmannyń bári qorǵan,
Sen dese musylmannyń bári qurban.
Bas ıedi júregi musylmandar,
Aınytpaǵan bizderdi týra joldan.

Sen bizdi kórmeseń de jyladyń ras,
Úmbetim dep tógilgen kózińnen jas.
Men ózińdi kórýge yntyzarmyn,
Jaratqanym jar bolyp óziń qoldash!