ÁI, DÁRÝISh, JÚREGIŃDI AINADAI TAZA USTA!

Bireýdiń esiginiń aldyna qalyń tiken ósip ketipti. Úı egesi erinshek eken, oǵan mán bermedi. Tiken qaýlap ósip, taıaý mańdaǵy joldy jaýyp qalypty. Olaı-bulaı ótken júrginshiniń tabanyna kirip, kıimin jyrtyp álegin shyǵarypty. Jurt úı egesine shaǵym aıtyp, tiken shópti shaýyp tastaýyn, úıiniń aınalasyn taza ustaýyn talap etti. Úı egesi jurttyń sózin tyńdamady. Qolyn bir siltedi de, júre berdi. Tikender qaýlap óse berdi.

Bul oqıǵa qala ákiminiń qulaǵyna jetti. Ol úı egesin shaqyryp:

— Tikenderdi shaýyp tasta! dep buıyrdy.

Álgi erinshek maqul dep ýáde berip alyp, shabýǵa asyqpady. Arada bir apta ýaqyt ótti, tiken kún sanap óse berdi. Halyq ákimge kelip taǵy aryz aıtty. Ákim aıypkerdi qaıta shaqyryp:

— Qaraǵym, sen qalasań da, qalamasań da men saǵan sol tikendi shaptyrtyp, aýlańdy taza ustaýǵa májbúrleı alamyn. Biraq sen erinip, bálkı qasarysyp júrgende, ol tikenniń tamyrlary kún sanap jýandap, kúsh ala beredi. Al sen jasaryp bara jatqan joqsyń. Kýnnen kúnge qýatyń kemı túsedi. Olardy burynǵydaı ońaı shaba almaısyń. Qara terge túsip, biraz kúsh jumsaýǵa májbúr bolasyń. Saǵan janym ashyp, tezirek shap dep jatqanym osy edi, — dedi.

Áı, dárýish! Adam júregi quddy bir óziniń aýlasy sııaqty. Aýlada ósip shyqqan aramshópti der kezinde julmasań, ol qaýlap ósip, tamyry jýandap ketedi. Tamyry jýandasa, aýlańnan syrtqa shyǵyp, ózge adamǵa zııanyn tıgizedi. Óz aýlańnyń da usqynyn ketiredi. Aram shóptiń sabaǵy názik kezinde julyp tastasań, mundaı kesapatqa tap bolmaısyń. Kórshińmen de tatý, jurtqa da súıkimdi bop ómir keshesiń.

Áı, dárýish, júregińdi aınadaı taza usta! Aram shóptiń qaýlap ósýine jol berme!

Máýlana RÝMI

Imanǵalı Nýpteke fb paraqshasynan