BAL ARASY BAL BEREDI. JYLAN Ý JASAIDY.

Islam álemindegi ǵalym-ǵulamalardyń arasyndaǵy sumdyq qarama-qaıshylyqtar neden týyndaıdy?

Islam álemi beıne bir júıesiz, ereje-zańdy tolyq saqtamaıtyn depýtattar májilisine nemese tártipsiz keńestik otyrysqa uqsaıdy. Keıde qulaǵymyz estip qalady, kópshiliktiń oıy bir bólek... pátýa bir bólek shyǵypty... dep.

Árıne, kópshilik qabyldaǵan sheshimniń tysyndaǵy sózder, eger aqıqatqa janasyp, negizi bar, bos sóz emes bolsa mamandardyń jeke kózqarasy dep qaraýǵa bolatyn shyǵar. Sóıtip, árbir maman ózine yńǵaıly sheshimdi qabyldaı bersin. Biraq bul jerde eskere ketetin mańyzdy eki másele bar:

Birinshisi; Pátýanyń bolmysy aqıqatty tolyq qamtı almaıtyn shekteýli bolady. Pátýa berýshige “Durysy osy ǵana” dep aıtýǵa múlde bolmaıdy. Qabyldanǵan pátýalar sol mamanǵa qaraı, onyń qabileti men qalaýynyń sheshimi dep qaralady. Nazar aýdaratyn úlken másele: Úkim (pátýa) shyǵarǵan adam muny eskermeı sózin jalpyǵa ortaq kórsetýi onyń úlken qateligi!

Sebebi, fanatızımmen aýyratyn erýshiler onyń bul sózin jappaı oryndalýy kerek dep oılap qalady. Al elikteýshi fanattar bul sózdi saqtaý úshin qarsylastaryn aıaqtan shalyp qulatýǵa tyrysady. Bul turǵyda teke-tires, jaǵa-jyrtys, joqqa shyǵarý, bir-birin qabyldamaý bolǵany sonsha, aıaqtan shyqqan shań, aýyzdan alaýlaǵan otty sózder, tilderden shyqqan jalyn shashqan aıtys-tartystar, jarq-jurq etken janjaldar ortaǵa burq etip shyǵady. Sóıtip Islamnyń kúndeı aqıqattarynyń jarqyraýyna bult sekildi perde bolady.

Ekinshisi; Áýestigin basyp, tabıǵatyn jeńbegen, ózindik aınasyna basym túspegen maman ońdy-soldy pátýa berýi úlken qaýip tóndirýi múmkin. Óıtkeni, úkim berýshi maman ol aıtylǵan úkimmen aldymen ózi yńǵaılanyp, onyń talabyna saı túrlenýi kerek bola tura, ony ózine yńǵaılap, túrlendirip, óz degenine qaraı qoldanady.

 Mine, osylaısha týra jol qumarlyqqa aınalyp, minez-qulyqtan asa almaı qalady. Bal arasy sý iship, bal beredi. Jylan bolsa sý iship, ý jasaıdy.

Islamtanýshy Ph.D doktory Temýr Amanqul