Balańyzdy kesh batqanda syrtta oınatpańyz

Balalar syrtta, emin-erkin oınaǵandy jaqsy kóredi. Keıde kúnuzaqqa oınyn qýyp, keshtiń batqanyn olar da, biz de baıqamaı qalyp jatamyz. Tek qarańǵy túskenin kórip, «úıge kir!» dep shaqyryp alamyz.

Al, balany kesh batqan soń syrtta qaldyrmaý kerektigin bilesiz be? Onyń sebebi nede?

Jábır (r.a.) Alla Elshisiniń (s.ǵ.s.) myna hadısin rıýaıat etedi: «Tún qanat jaıǵanda (ıaǵnı, kesh batqan kezde ) jas balalaryńdy úıde ustańdar (ıaǵnı, osy ýaqytta olardy syrtqa shyǵarmańdar), óıtkeni sol kezde shaıtandar (jer betine) taraıdy, al túnniń biraz ýaqyty ótken soń olardy jibere berińder...». (Sahıh Mýslım).

Munda kún batqannan tún qarańǵylana bastaǵan kez týraly aıtylǵan. Paıǵambarymyz (s.ǵ.s.) bul ýaqytta shaıtandar kóp bolatyndyqtan, olardyń jas balalarǵa zııan tıgizýinen qaýiptengen. Ibn ál-Jáýzı: «Paıǵambarymyzdyń (s.ǵ.s.) osy ýaqytta balalar úshin qaýiptený sebebi, olar (balalar) kóbinese shaıtannan qorǵaný duǵalaryn bile bermeıdi. Al, shaıtandar taralǵan kezinde múmkin bolǵannyń bárine jabysady», – degen.