BARLYQ NÁRSEDEN SABAQ ALÝ KEREK

Abdýlqadır Geılanı (q.s.) bylaı degen: «Alla taǵala kúsh-qudiretimen bir sátte kóptegen nárseni joq qylady jáne kóptegen nárselerdi joq jerden jaratady. Kimin baı etedi, kimin kedeı. Áýel basta jazmyshqa jazǵandaryn jaratady. Bar bolý ne joq bolý, tirshilik pen ólim, aýrý-syrqat jáne basqa da jaratylysqa tán jaǵdaılardy tirshilik ıeleri úshin jaratady.

Osylardyń barlyǵy Alla taǵalanyń tanýymyz, bir jáne bar ekenin túsinýmiz, Allanyń kúsh-qudiretin joqqa shyǵarmaýmyz úshin kerek.

Sondyqtan Alla taǵala Hashr súresiniń 2-aıatynda: «Áı aqyl ıeleri! Ǵıbrat alyńdar» - degendeı barlyq nársege ǵıbrat kózimen qarap, Alladan ǵana suraý kerek. Óıtkeni jer men kóktiń qazynasy onyń quzyrynda. 

Alla taǵala adamdarǵa hıdaıat-týra jolyna nusqaý úshin paıǵambarlar jibergen. Adamdyń qajetti nárselerdi sol paıǵambarlar arqyly baıandaǵan. Ár paıǵambar óz qaýymyna ýaǵyz-nasıhat aıtyp, aqyrette bolatyn jaǵdaılardy eskertip týra joldy kórsetken. Áli de ǵıbrat almasańdar, senderdiń jaǵdaılaryń myna aıatta baıandalǵandaı bolady degen: «(Olar) túsinbeıtin bireý tárizdi; sańyraý, saqaý jáne soqyr. Sonda olar esh nárseni ańǵarmaıdy» - degen. 

Adam balasy, Alla taǵalaǵa ıman etip, salıh amal jasap, týra jolda bolǵan ýaqytsha dúnıe-aqyret azabynan qorǵalady. Eger salıh amaldardy tárk etetin bolsa, dúnıe-aqyret azapqa dýshar bolýy múmkin.