BAÝYRJAN MOMYShULYNYŃ ASYL QASIETI…

Birde Baýyrjan Momyshuly men belgili aqyn Qalıjan Bekqojın ekeýi qatty renjisip qalypty. Kópke deıin bir-birimen sálemdespeı, sóılespeı júripti.

Bir kúni Jazýshylar Odaǵynda úlken jıyn bolatyn bolyp, jınalysqa kelgen aqyn-jazýshylar bir qatarda otyrypty. Jıynnyń bastalar aldynda zalǵa Baýyrjan Momyshuly kiredi.

Ádettegideı ol kisi kelse jurttyń nazary sol kisige aýady ǵoı. Zaldyń orta tusynda aqyn-jazýshylar otyrǵan qatarǵa jaqyn kelip, bir stýdentke;

- Men kimmin?- dep, daýystap surapty.

- Siz Baýyrjan Momyshulysyz,- dep jaýap beripti stýdent.

- Durys aıtpadyń, men kimmin?- dep, qaıtalap surapty.

- Siz qazaqtyń aty ańyzǵa aınalǵan batyry, jazýshysy Baýyrjan Momyshulysyz,- degen sýdentke qarap daýystap;

- Jooq, sen durys aıtpadyń, men qazaqtyń attaqty aqyny Qalıjan Bekqojınnyń aǵasymyn, - degen eken.

Sol kezde Qalıjan Bekqojın ornynan ushyp turyp,

- Oı, aǵa, aıyp mennen, meni keshirińiz,- dep, qushaǵyn jaıa umtylǵan eken. Sóıtip, Baýyrjan Momyshuly men Qalıjan Bekqojın ekeýi qushaqtasyp, tós túıistirip, qaıta tabysyp, tatýlasypty…

Jeliden alyndy