Bes túrli adammen sóılespe!

Imam Muhammed Bákir: «Ákem ımam Záınýlabıdın haziret maǵan: «Bes túrli adammen sóılespe, dos bolma», – dep nasıhat aıtty.

–      Áketaı, aıtqanyńyzdy qup aldym. Ol bes túrli adamnyń qandaı adamdar ekenin bildirmes pe ekensiz?» – dep suradym. Sonda bylaı dep túsindirdi:

–      Pasyq (Allanyń buıryqtaryn oryndamaıtyn) adammen dos bolma. Óıtkeni ol seni bir jutym asqa, tipti bolar-bolmas nárse úshin-aq satyp ketedi.

–      Bolar-bolmas degendi túsindiresiz be?» – dep suradym.

–      Aıtpaǵym, qoly jetse dep ólermendik tanytyp, biraq qoly jetpegen nárse.

–      Áketaı, ekinshisi kim?

–      Sarańmen dos bolma! Óıtkeni ol qatty qınalǵan kezińde dúnıesin qorǵashtap, senimen aralastyǵyn úzedi.

–      Úshinshisi kim?

–      Ótirikshimen dos bolma! Óıtkeni ol jaqyndy saǵan alys etip kórsetedi.

–      Tórtinshisi kim?

–      Aqymaqpen dos bolma! Óıtkeni ol saǵan paıda tıgizemin dep zııan tıgizedi.

–      Áketaı, besinshisi kim?

–      Jaqyn týystarymen aralaspaı ketken adammen dos bolma! Óıtkeni Quran kárimniń týra úsh jerinde bundaı adamnyń ońbaıtyndyǵy aıtylǵanyn baıqadym.