BIR MINÝT BIR KISINIŃ ÓMIRINE UQSAS! (ABAI)

Kúnder, aılar, jyldar sýsyp aǵýda.  Ýaqyt barshamyzdy taǵdyr degen sapardyń sońyna aparady. Biz ǵumyrymyzdyń túrli kezeńderinde jyldam qadam bassaq ta ǵumyr degen qazynamyz taýsylyp bara jatyr. Ǵumyr jaıly:

«Malǵa sat, paıdaǵa sat qylyǵyńdy,

Ylaıla ylaı oımen tunyǵyńdy,

 -Sonda ómirden aldamshy bola almassyń,

Ol bildirmeı urlamaq qyzyǵyńdy»,-dep Abaı atamyz qandaı keremet sıpattaǵan.

Dúnıedegi ómir kez-kelgen tirshilik ıesi úshin –Pánı. Demimimz sanaýly. Soǵan qaramastan adam balasy qolyndaǵy qanshama nyǵmetterdi esh qam-qapersiz tutynyp, qanshama  damý satylarynan ótýde.

 Máńgilik ǵumyrǵa daıyndyq jasaý úshin berilgen dál osy sátte barlyǵymyz  ómir súrip jatqan myna qysqa ǵana ǵumyr degen qazyna qanshama jaýapkershiliksizder men ysyraptarǵa sanasyz kúıde qurban etilýde...

Ǵumyrymyzdyń ár saǵaty, ár mınýty tipten ár sátin esh kúmánsiz salıqaly amaldarmen tabysqa aınaldyra bilsek ǵoı shirkin! Bul dúnıeden aqyretke apararymyz ıgi amaldarymyz ben paıdaly isterimiz ǵana ekendigin bárimiz de bilemiz  emes pe?!.

Olaı bolsa taǵy bir kúnniń sońyna jetelep ákele jatqan dál qazirgi ǵumyrymyzdy saraptap, aqyretimiz úshin azyǵymyzdy arttyra túsýge nege tyryspaıdy ekenbiz!..

 Saǵattyń shyqyldaǵy emes ermek,

Ћámısha ómir ótpek — ol bildirmek.

Bir mınýt bir kisiniń ómirine uqsas,

Ótti, óldi, taǵdyr joq qaıta kelmek.

 Saǵattyń ózi — ury shyqyldaǵan,

Ómirdi bildirmegen, kúnde urlaǵan.

Tııanaq joq, turlaý joq, keldi, ketti,

Qaıta aınalmas, burylmas buldyr zaman.

 Ótken ómir belgisi — osy sybdyr,

Kóńildi kúnde syndyr, álde tyndyr.

Aqyl anyq baıqaǵan qylyǵyńdy,

Qý shyqqansyp qarasyp bosqa buldyr.

 Kún jaıylyp aı boldy, on eki aı — jyl,

Jyl jaıylyp, qartaıtyp qylǵany — bul.

Súıengen, sengen dáýren jalǵan bolsa,

Jalǵany joq bir táńirim, keńshilik qyl.