Boıdaq adamnyń ómiri qysqa bolady

«Jalǵyzdyq tek Jaratqanǵa jarasqan» deıdi bizdiń qazaq. Rasymen, aınalańyzǵa baıyptap bir qarasańyz, barlyq tirshilik ıesiniń óz jubymen jaratylǵanyn kóresiz. Demek, juptasyp ómir súrý – jaratylǵandardyń mańdaıyna jazylǵan zańdylyq ekeni daýsyz. Al, endi osy zańdylyqqa qarsy shyǵyp, berilgen ómirdi boıdaqtyqpen ótkizýdiń aqyr sońy qandaı bolmaq?

Osy suraq tóńireginde tolǵanǵan Taıvan eliniń ǵalymdary osydan 20 jyl buryn óte qyzyqty zertteý jumysyn bastaǵan eken. Zertteý jumysyna 50 men 91 jas aralyǵyndaǵy 800 er adam qatystyrylǵan.

Jıyrmaǵa jylǵa sozylǵan túrli zertteý nátıjelerin saraptaı kele Taıvan ǵalymdary er adamnyń uzaq ómir súrýi onyń jubaılyq qarym-qatynasyna baılanysty degen sheshimge toqtalǵan. Tipti, elýden asqan erkekterdiń ózi turaqty jubaıymen jaqyndasyp tursa, qatarlastarynan orta eseppen 15 jyl uzaq jasaıtyn kórinedi.

Zertteýshiler uzaq jasaǵysy kelgen jandarǵa óz jubaılarymen aptasyna birneshe márte jaqyndasyp turýǵa keńes berip otyr. Olardyń aıtýynsha, bul olardyń júrek-qantamyrlaryna oń áserin tıgizbek. Sondaı-aq, aǵza tonýsyn kóterýge de kómektesedi

Ardaqty Paıǵambarymyz (s.ǵ.s.) óz hadısterinde úmmetin úılenýge úndep, esh sebepsiz ony keshiktirýden tyıǵany belgili. Qııamette úmmetimniń kóptigimen maqtanamyn dep ósıet qaldyrǵan Alla Elshisiniń (s.ǵ.s.) aıtqanyn oryndap, aq nekesin erte qıǵyzǵandardyń ómirden kesh ótetinin búgingi ǵylym dáleldep otyr.

Qaraýyldyń balasy