Dárigerdi tańqaldyrǵan balanyń shashy emes, Paıǵambarymyzdyń (s.ǵ.s.) hadısi

09 naýryz 2021 7561 0
Оqý rejımi

Jańa týylǵan nárestege Paıǵambarymyzdyń (s.ǵ.s.) súnneti boıynsha musylmansha joralǵylar jasalady. Mysalǵa, sábı týylǵanda azan shaqyryp atyn qoıyp, aqıqa qurbanyn shalyp, balanyń shashyn alady. Osylardyń ishinde balanyń shashyn alýǵa qatysty Áziret Álıdiń (r.a.) aıtýy boıynsha, Paıǵambarymyz (s.ǵ.s.) nemeresi Hasan týylǵanda bir qoı qurbandyqqa shalyp, qyzy Fatımaǵa: «Shashyn al da, alynǵan shashtyń aýyrlyǵyndaı kúmis sadaqa ber»[1], – degen.

Germanııada osydan birneshe jyl buryn mynadaı oqıǵa oryn alǵan eken. Bir musylman otbasynda kishkentaı sábı dúnıege keledi. Ata-anasy shamasy kelgenshe musylmansha jón-joralǵysyn jasaıdy. Jeti kúnnen keıin balanyń shashyn alyp, sonyń kólemindeı etip sadaqa taratady. Sodan birneshe kún ótkennen keıin anasy balanyń densaýlyǵyn dárigerge teksertýge alyp barady. Balany qarap jatqan dáriger: «Balanyń shashyn ózderińiz aldyńyzdar ma? Álde osylaı týyldy ma?» – dep suraıdy tańqala. Sonda anasy: «Ózimiz aldyq», – dep jaýap beredi.

Dáriger óziniń tańqalýynyń sebebin bylaı dep túsindiredi: «Jaqynda dárigerler jańadan týylǵan balanyń shashyn 40 kúnniń ishinde alatyn bolsa, onda kórý qabileti jaqsaryp, shashy qataıyp, oı-sanasy keńeıetindigin jáne basqa da paıdalaryn anyqtady. Al, shash alýdy jeti kún tolǵanda jasasa, onda álginde aıtqan kórsetkishter odan da jaqsy nátıjeler beredi. Biraq, bul jańalyqtyń ashylǵanyna 50 kúndeı boldy. Ári eshkimniń áli habary joq-tuǵyn. Sizder qaıdan bildińizder?» – dep suraıdy taǵy da tańqalǵan kúıde. Balanyń anasy: «Bizge buny Paıǵambarymyz Muhammed (s.ǵ.s.) buıyryp ketken. Musylmandarda bul kádimgi bala týylǵanda jasalatyn dástúrli ádetterdiń biri», – deıdi. Dáriger áli tańqalǵan túrin ózgertpeı: «Al, sizderdiń paıǵambarlaryńyz qaıdan bilgen?» - dep qaıta suraq qoıady. «Paıǵambarymyz (s.ǵ.s.) osydan 14 ǵasyr buryn ómir súrgen. Sol kezde aıtqan sózi bizge jetip, biz ony kúndelikti ómirimizde salt-dástúr retinde qalyptastyryp, oryndap júrmiz», – deıdi sábıdiń anasy. Sonda dáriger basyn shaıqap, ań tań qalǵan eken.

Nurqanat Baızaq

 


[1] Tırmızı, «Kıtabýl Adzahı», №1519

Pіkіrler Kіrý