DINI SENIM – BARShAǴA ORTAQ, AL, DINI TANYM – ULTQA ǴANA TIESILI

”Keshegi keńestik dinsizdendirý, ultsyzdandyrý ıdeologııasynyń saldarynan aýyzǵa da ilinbeı, umyt bola bastaǵan rýhanı muralarymyz qaıta jańǵyryp jatyr. Qazaqtyń eli óz aldyna derbes el boldy.

Qazir bizde qazaq problemasynan basqa problema joq. Sebebi, qazaq tiri degen sóz. Bizdegi dinı tanym týraly máselelerdiń jıiligi qazaqtyń dinı sanasynyń ólmegendigin kórsetedi. Ózi din qubylysy tórt qabattan turady – dinı senim, dinı sana, dinı tájirıbe jáne dinı tanym. Osy jerdegi dinı senim ol arabqa da, parsyǵa da, túrikke de, barshaǵa ortaq, al dinı tanym ortaq emes, ol – ultqa ǵana tıesili. Sebebi, dinı tanymda keńistik pen ýaqyt, bazıs pen qondyrma sııaqty ról oınaıdy... Al dinı tájirıbe, ol – tarıh. Dinı sana, ol – QAZAQ.

Islam dini – eń beıbit din. Odan qorqýdyń keregi joq. Bizde qoǵamdyq ınstıtýt ıslamdy saıasılandyra almaıdy. Oǵan bizdiń quqyqtyq qurylymda eshqandaı negiz joq.

Ókinishke oraı, qoǵamda din qubylysy ar, ıman, mahabbat degen rýhanı mánmen emes, kerisinshe syrtqy formamen, t.b. normalarmen tanylyp júr.

Búginde dindarlyqty daýǵa aınaldyryp, balaqty short kesip, qap-qara jamylǵy kıip júrgender de bar. Al din degen kıimmen emes, júrekpen ólshenedi. Quranda solaı deıdi. Osyny túsinbeı júrgen birshama qandastarymyz bar ekeni ókinishti, árıne”.

Dosaı KENJETAI